الكفر .. أغرب تسمية اتسمت بيها قرى مصر .. بل أكتر اسم اطلق على قرى مصر
قبل ما تكمل اللى مش غاوي قراءة هضع لك رابط فيديو تسمعه ...
ولو اسم
قريتك يبدا بكلمة كفر وعايز تعرف أصله .. اكتبه في تعليق..
..كلمة
كفر تحمله 516 قرية مصرية .. وكلمة كفر دخلت مصر مع الشوام اللى هاجروا بعد الفتح العربي
.. في زمن كانت الاراضي الزراعية في مصر كتيره أكتر من الفلاحين ... فكان الشوام يروحوا
على أطراف القرى المصرية يزرعوا الأرض اللى ملهاش صاحب ويطلقوا عليها اسم الكفر ..
وهي كلمة من اللغة السريانية معناها قرية في بلدهم سوريا ولبنان .. والكلمة دخلت اللغة العربية بمعنى كفر البذور أي تغطيتها
أو زرعها بل ومن الغرائب أن كلمة كفار السريانية ذكرت في سورة الحديد بمعنى المزارعين
لا بالمعنى الذي نعرفه .. ورغم ذلك كلمة كفر دخلت مصر بالطريقة اللى حكيتها لكم .
- مع
مرور الزمن أصبحت كل اراضي مصر الزراعية مشغولة ما عد الاراضي البور ..
وأصبت
عادة في مصر كل قرية تنشأ على اطراف قرية اخرى تسمى كفر ... فكانت المنازعات كثيرة
بين العائلات داخل القرى ... فتقوم احدى العائلات بجمع اراضيها وعمل كفر باسمها
,,, أو كفر باسم القرية الاصلية فمثلا قرية السلام ينشأ على طرفها قرية كفر السلام
..
- وتوسع
الأمر جدا في عصر محمد علي باشا وزادت الكفور التي عادة ما تكون أصغر حجما من القرية
الأصلية ولكن يحدث أحيانا ان يكبر الكفر عن حجم القرية الأصلية ... واحيانا تختفي القرية
الأصلية ويظل الكفر ... وأحيانا الكفر يناله الحظ ويتحول لمدينة زي كفر الدوار وكفر
الزيات .. ولدينا في مصر حالة لتحول الكفر إلى اسم يطلق على كل المحافظة وهي قرية كفر
الشيخ طلحة التي تحولت لمدينة وكبرت واصبحت عاصمة لمحافظة الفؤادية التي انشاها الملك
فاروق باسم ابوه ولكن بعد ثورة يوليو غيروا اسم المحافظة الى كفر الشيخ ..
.. للأسف
ناس كتير بتدخل تجادل في المعلومة لمجرد انهم سمعوا معلومة من حد كبير في السن بنظام
هذا ما وجدنا اباءنا عليه !! أو قروها على النت او في كتاب لكن المعلومات اللى وضعتها
لكم هي معلومات صحيحة جدا ومقتبسة من أمهات كتب التاريخ وكتب التقسيم الإداري لمصر
...
ليست هناك تعليقات:
إرسال تعليق